Njëzetenjë vjet nga fillimi i bombardimeve të NATO-s kundër Serbisë

Sot mbushen njëzetenjë vjet nga fillimi i bombardimeve të NATO-s, për t’i dhënë fund fushatës së spastrimit etnik të Serbisë kundër shqiptarëve të Kosovës.

Bombardimet kanë pasuar disa përpjekje për të siguruar një marrëveshje paqësore, e cila është refuzuar nga Serbia.

Misioni i NATO-s synon të parandalojë sulmet e përgjakshme ndaj civilëve në Kosovë, ka thënë atëbotë presidenti i Shteteve të Bashkuara, Bill Clinton.

Bombardimet nga ajri kundër caqeve të ushtrisë jugosllave kanë zgjatur 78 ditë, transmeton REL.

Në terren, forcat serbe kanë kryer sulme hakmarrëse kundër shqiptarëve, të cilat kanë rezultuar me mbi 10,000 njerëz të vrarë, mbi 800,000 të përndjekur dhe rreth 5,000 të zhdukur.

Më 10 qershor të vitit 1999, NATO-ja ka nënshkruar marrëveshje me ushtrinë jugosllave për tërheqjen e saj të plotë nga Kosova.

Dy ditë më vonë, trupat paqeruajtëse të KFOR-it kanë hyrë në Kosovë, duke i dhënë fund luftës dhe sundimit të Beogradit.

Related posts

14 raste të reja me Covid-19 në Shqipëri

admin

Vendet e rajonit nisin me masat lehtësuese

admin

22 vjeçarja shqiptare me Koronavirus tregon ditë pas dite se çfarë ndodhte me trupin

admin

Dastid Pallaska thotë që as Vetëvendosje nuk i beson interpretimit të tyre të Kushtetutës

admin

ANULIMI I PROCESIT TË NOTERISË, MBI 60 NOTERË USHTROJNË PADI NDAJ MD-SË

admin

Serbia regjistron 131 raste të reja me koronavirus

admin