5 mijë shtetas të Maqedonisë së Veriut kanë kërkuar ndihmë të kthehen në vendlindje

Pesëmijë shtetasë të Maqedonisë së Veriut të cilët gjenden jashtë shtetit kanë kërkuar ndihmë nga Ministria e Punëve të Jashtme që të kthehen në vendlindje, deri në afatin e fundit që ishte 22 marsi 2020. Deri tani janë përpunuar 4 mijë kërkesa, ndërsa 2100 shtetas janë pajtuar me kushtet e vendosura dhe do të kthehen në mënyrë të organizuar. Këtë e tha ministri i Jashtëm, Nikolla Dimitrov në Tv Telma, përcjell SHENJA.

“Kemi 5 mijë shtetas të Maqedonisë së Veriut të cilët kërkojnë ndihmë të kthehen në shtëpi. Njerëzit tanë, ekipi kujdestar i paraqitet secilit individualisht që t’ju tregojë se për shkak të krizës do të duhet të kenë rimbursim për fluturimet çarter dhe se do të duhet të pranojnë të qëndrojnë 14 ditë në karantinë që do ta mbulojë shteti. Deri tani kemi 4 mijë kërkesa të përpunuara nga gjithsej 5 mijë, dhe nesër do të përfundojë ky proces.

Nga ata, 2100 janë pajtuar me kushtet. Para së gjithash do të organizojmë fluturime nga vendet nga ku kemi më shumë kërkesa, siç janë vendet evropiane”, dekalroi Dimitrov. /SHENJA/

Related posts

“Covid-19” , aktivitete për vënien në funksion të sa më shumë shtretërve spitalorë

admin

Filipçe: Nga nesër fillojmë terapinë e kombinuar, klorikinë+azitromicinë

admin

Në Tetovë 16 persona ndodhen në vetizolim, kallëzim penal për një person i cili nuk respektoi rekomandimet

admin

MPB: 251 shkelje për mos-mbajtje të maskave

admin

130 persona nuk kanë respektuar orën policore, 98 u arrestuan

admin

Shtetasi i Maqedonisë dënohet me 19 vite burg në Zvicër

admin