Një nga punonjësit e pallatit mbretëror është infektuar me Covid-19

Një prej punonjësve të stafit në pallatin mbretëror ka rezultuar pozitiv pas testit për koronavirus. Punonjësi u konfirmua si i infektuar prej virusit në fillim të javës së shkuar, pak para se mbretëresha Elizabeth të largohej drejt Windsor Castle.

Nuk dihet ende çfarë pozicioni kishte ekzaktësisht në pallat i prekuri,apo nëse ka patur kontakt me mbretëreshën apo ndonjë pjesëtar tjetër të familjes gjatë kësaj kohe.

Të gjithë anëtarët e tjerë të stafit që kanë patur kontakt të afërt me të janë vetë-izoluar.

Lajmi është konfirmuar edhe nga vetë përfaqësues të pallatit Buckingham, të cilët shprehën se kanë marrë gjithë masat e nevojshme për të mbrojtur punonjësit dhe njerëzit që kanë patur kontakte me të.

Mbretëresha la pallatin mbretëror për Windsor Castle të enjten e kaluar, kur i kërkoi britanikëve të gjenin mënyra të tjera për të folur me të afërmit e tyre, për t’i mbrojtur ata. Edhe familja mbretërore po ndjek masat e marra nga qeveria për të ndaluar përhapjen e gjerë të koronavirusit.

Eventet mbretërore janë pezulluar ndërsa princeshë Beatrice, për të tretën herë, u detyrua të shtynte dasmën që do mbahej në fund të muajit maj.

Burimi: Business Insider

Related posts

HRW i bën thirrje Turqisë të lirojë edhe të burgosurit politikë si masë kundër pandemisë

admin

Tom Cruise xhiron film në hapësirë

admin

Aplikacion për telefon me të cilin do të zbulohet nëse dikush afër nesh është i infektuar me virusin korona

admin

Aeroporti i Vjenës ofron testime për koronavirus

admin

SHBA, zestohet te 30 000 vullnetarë një vaksinë antiCOVID-19

admin

OKB: 74 milionë arabë përballë mungesës së larjes së duarve

admin