Në luftë me koronavirusin/ 400 viktima, Trump aktivizon Gardën Kombëtare

Presidenti i Shteteve të Bashkuara, Donald Trump, do të aktivizojë Gardën Kombëtare për të ndihmuar në ngritjen e stacioneve mjekësore dhe shpërndarjen e qindra tonelatave furnizime në tre shtetet e goditura më së keqi nga shpërthimi i koronavirusit: Kaliforni, Nju Jork dhe Uashington.

Në një konferencë për media nga Shtëpia e Bardhë, Trump tha se garda do të jetë në komandën e tre guvernatorëve, shtetet e të cilëve përbëjnë 58 për qind të rasteve me koronavirus në gjithë SHBA-në.

Shteti i Nju Jorkut ka numrin më të madh të të infektuarve me koronavirus: mbi 15,000. Kryetari i qytetit të Nju Jorkut, Bill de Blasio, ka thënë se mungesat e furnizimeve mjekësore mund të dalin në pah brenda ditësh.

Disa guvernatorë, përfshirë atë të Nju Jorkut, Andrew Cuomo, i kanë kërkuar Shtëpisë së Bardhë që t’i kombinojë përpjekjet për sigurimin e furnizimeve mjekësore, duke thënë se shumica e udhëheqësve të 50 shteteve janë në garë kundër njëri-tjetrit për të blerë atë që është në dispozicion.

Në gjithë SHBA-në janë mbi 33,000 raste të konfirmuara të të infektuarve me koronavirus, ndërsa mbi 400 pacientë kanë humbur jetën./REL

Top Channel

Related posts

Di Maio: Pretendimet se ndihmat nga BE do t’i marrë mafia janë të turpshme

admin

Qeveria australiane u kërkon punëtorëve të huaj të largohen nga vendi

admin

Ellen DeGeneres kritikohet nga njerëzit pas shakasë së saj

admin

Pse afroamerikanët janë më të rrezikuar nga koronavirusi?!

admin

Në SHBA banorëve të prekur nga Koronavirusi iu vendosen paisje në këmbë, për ta ditur ku po shkojnë

admin

Virusi korona mbyll 30 qytete të mëdha në Turqi

admin