Futbollistët e Liverpoolit po marrin trajtim psikik për t’u përballur me ankthin e pritjes lidhur me titullin e Ligës Premier

Lojtarët e Liverpoolit janë duke marrë ndihmë profesionale për ta trajtuar ankthin, pasi pandemia e coronavirusit i detyroi autoritetet e futbollit që ta pezullonin edicionin 2019/2020.

Redsat kanë 25 pikë më shumë se përcjellësi i parë në tabelë, kur kanë mbetur edhe nëntë ndeshje për t’u zhvilluar në mënyrë që të kompletohet sezoni.

Të zgjedhurit e Jurgen Klopp janë vetëm dy fitore larg titullit të parë pas 30 vitesh në kampionatin anglez, mirëpo lojtarët kanë frikë se mund t’u mohohet titulli nëse nuk zhvillohen të gjitha ndeshjet e mbetura.

(Foto: Laurence Griffiths/Getty Images/Guliver)

Kjo ka bërë që lojtarët të kenë probleme të shëndetit mendor, gjegjësisht anksiozitet, pasi që nuk mund të përballen me qetësi me situatën e krijuar.

Daily Mail njofton se psikologu i klubit, Lee Richardson, është duke i ndihmuar lojtarët që të përballen me stresin e pritjes duke i ndihmuar me disa teknika të frymëmarrjes për të shmangur simptomat e ankthit.

Njëherësh, ai i këshillon edhe si ta tejkalojnë mërzinë gjatë qëndrimit në vetizolim si pasojë e COVID-19.

Ndërkaq në një deklaratë, 51-vjeçari Richardson e ka cituar trajnerin Klopp: “Futbolli nuk është gjëja më e rëndësishme. Shëndeti dhe siguria jonë është më e rëndësishme se gjithçka tjetër”. /Telegrafi/


Related posts

Legjenda e Liverpoolit, Sir Kenny Dalglish lirohet nga spitali pas shërimit nga coronavirusi

admin

Çka solli Bundesliga, në kohën e pandemisë “Covid 19”

admin

Rikthimi në kohë, ky ishte formacioni më i shtrenjtë në vitin 2004 – futbollisti me vlerën më të madhe kushtonte 50 milionë euro

admin

Sot, katër vite më parë u shkrua historia e futbollit kosovar

admin

Gara e UFC 249 do të zhvillohet, nuk e ndal “Covid 19”

admin

UEFA publikon renditjen e 20 klubeve më të mira në Evropë

admin