Veseli reagon pas viktimës së parë nga koronavirusi: Shpresoj që ky rast të jetë i fundit

Kryetari i PDK-së, Kadri Veseli, ka komentuar rastin e parë të vdekjes si pasojë e koronavirusit në vend, njofton Klan Kosova.

Veseli ka thënë përmes një postimi në Facebook, se shpreson se ky rast të jetë i fundit në Kosovë.

Tutje ai ka theksuar se u bën thirrje të gjitha institucioneve që të kenë fokusin te pandemia që po rrezikon botën.

Postimi i plotë:

“I shqetësuar dhe i prekur thellë nga vdekja e parë e shënuar nga Covid19 në Kosovë, përcjell ngushëllimet e mia më të sinqerta për familjen Haliti, nga Dumnica e Podujevës, për humbjen e të afërmit të tyre.

Me shpresën që ky rast të jetë edhe i fundit në vendin tonë, dhe të ngritet vetëdija për më shumë kujdes e shmangie të kontakteve e daljeve të panevojshme, bëj thirrje edhe një herë për institucionet tona që të kenë fokusin tek pandemia që po rrezikon gjithë botën.

Ky problem dhe asnjë tjetër duhet të jetë preokupimi ynë.

Të bashkuar dhe me punën e shkëlqyer e të palodhshme të mjekëve e infermierëve tanë, do t’ia dalim”.

Related posts

Njëzetenjë vjet nga fillimi i bombardimeve të NATO-s kundër Serbisë

admin

Thaçi fillon sot konsultimet me liderët politikë

admin

Nisin hetimet për të gjetur personin që kërcënoi me jetë Albin Kurtin

admin

BERZH: Shqipëria me rënien më të madhe ekonomike në Ballkan

admin

Deputetët në pritje, ju matet temperatura(FOTO)

admin

Babai mbyt aksidentalisht fëmijën me traktor

admin