Qeveria franceze i ka “porositur 250 milionë maska” për mbrojtje nga coronavirusi

Ministri i Shëndetësisë në Francë, Oliver Véran ka njoftuar se qeveria franceze i ka “porositur 250 milionë maska”, për të parandaluar përhapjen e coronavirusit në Francë, ku deri më tani nga Covid-16 kanë vdekur 562 persona, derisa 6,172 janë hospitalizuar.

Véran e bëri këtë njoftimin në një konferencë shtypi gjatë ditës së djeshme, derisa adresoi  shqetësimet e përhapura në lidhje me mungesat e maskave shëndetësore, për të mbrojtur stafin mjekësor dhe ata që janë më të rrezikuar nga coronavirusi, transmeton Telegrafi.

“Ka një shqetësim në mendjen e të gjithëve, ka të bëjë me sigurimin e maskave dhe pajisjeve tjera mbrojtëse”, ka thënë ministri Véran.

“Përgjegjësia ime si ministër, është të bëj gjithçka për të siguruar që maskat mund të dorëzohen me kalimin e kohës. Megjithatë, megjithëse e di se sa kohë mund të zgjasin rezervat, nuk e di se sa do të zgjasë epidemia”, ka shtuar ai.

Momentalisht, Franca ka një numër të vogël të maskave të tipit FFP2, që janë efektive në mbrojtje ndaj coronavirusit. /Telegrafi/

Related posts

Gjermani, regjistrohen rreth 18400 raste dhe 53 viktima

admin

Pesë anëtarë të Kongresit amerikan të infektuar me koronavirus

admin

Bie ndjeshëm numri i të prekurve në Itali, rritet ai i të shëruarave

admin

Pence: Gjatë verës, pjesa më e madhe e kësaj epidemie do të jetë prapa nesh

admin

Koronavirusi, Erdogan: Adhurimet t’i kryeni në shtëpi

admin

Australi, rikthehen ngjarjet sportive, koncertet dhe festivalet

admin