​Bota mobilizohet për të ndihmuar Italinë në luftën kundër koronavirusit

Sot pasdite mbërrijnë në Itali 37 mjekë dhe 15 infermierë nga Kuba. Ndërkohë që nga Rusia mbërriti avioni i parë me aparatura. Ndërsa të enjten do të vijë nga Kina ngarkesa e parë me 3 milionë maska.

Përgatitja e mjekëve kubanë është e njohur në të gjithë botën. Ata ndërhynë në Haiti gjatë krizës së krijuar nga tërmeti dhe më pas nga kolera. Kanë punuar në Sierra Leone ku ndihmuan për të zhdukur Ebolën. Dhe tashmë janë gati ta bëjnë të njëjtën gjë në Krema në Itali.

Kjo ndihmë është plotësisht në formë solidare mes popujve të Italisë dhe Kubës.

Solidariteti mes popujve gjatë këtyre orëve nuk po njeh kufij. Avioni i parë i forcave të mbrojtjes ruse është nisur më ushtarakë të specializuar për të ndihmuar autoriteteve italiane në luftën ndaj koronavirusit.

Janë 120 specialistë midis tyre epidemiologë dhe virologë, si dhe disa kamionë që shërbejnë për dezinfektimin. Rusët po sjellin në Itali edhe spitale të lëvizshme, 100 ventilatorë për mushkëritë, si dhe 500 mijë maska.

Sot nisen 5 avionët e parë, të hënën do të mbërrijnë edhe 4 të tjerë.

Kompania italiane Alitalia, në bashkëpunim me Mbrojtjen Civile italiane, kanë siguruar transportin për të sjellin nga Kina disa avionë me ndihma. Avioni i parë nga Kina do të mbërrijë në Itali të enjten me 3 milionë maska. /rtsh/

Related posts

Sela porosit kreun e BFI-së: Qëndro larg politikës

admin

Në Kërçovë 81 persona në izolim

admin

Nga sonte orë policore, s’ka lëvizje nga 21:00-06:00

admin

Qeveria solli dekret për shfrytëzimin e objekteve hotelierike për karantinëAlsat

admin

195 persona janë vendosur në izolim dhe 4 të tjerë në vetizolim në 24 orët e fundit

admin

Shkon në 285 numri i të prekurve me koronavirus, vdes 79-vjeçari nga Dibra

admin