Kamioni i parë me mallra serbe futet në Kosovë pas heqjes së tarifës

Një kamion me mallra të lëndës së parë ka hyrë nga Serbia në Kosovë deri në mesditë, pas vendimit të Qeverisë së Kosovës për heqjen e tarifës për importin e lëndës së parë nga Serbia dhe Bosnjë-Hercegovina.

Zëdhënësi i Doganës, Adriatik Stavileci, ka thënë për KOHA-n se gjatë 24 orëve të fundit në Kosovë kanë hyrë rreth 170 kamionë me mallra nga vende të ndryshme, por që kanë përdorur Serbinë si vend transit.

“Pas arritjes së vendimit në Doganën e Kosovës, ne menjëherë i kemi aktivizuar sistemet tona dhe kemi filluar aplikimin e këtij vendimi të Qeverisë. Deri në momentet që po flasim kemi maunën e parë me mallra nga Serbia e cila është në procedurën e zhdoganimit. Pra, kryesisht është me lëndë të parë, produkte për paketim”, ka thënë Stavileci.

Ndërsa nga Bosnjë-Hercegovina, deri më tani, sipas Stavilecit, ende nuk ka hyrë ndonjë kamion me mallra të lëndës së parë.

Heqja e tarifës për lënden e parë nga Serbia dhe Bosnjë-Hercegovina, është futur në fuqi, sot.

“Gjatë 24-orëshit të fundit kemi pasur rreth 170 maune nga vende të ndryshme të cilat kanë transituar nëpër Serbi dhe kanë hyrë në Kosovë përmes pikave kufitare, normalisht duke iu nënshtruar kontrolleve të shtuara higjienike dhe sanitare të cilat bëhen prej mjekëve në pikat kufitare”, ka shtuar Stavileci.

Related posts

Hoti: Nuk shkoj në Uashington për të diskutuar për shkëmbim territoresh e korrigjim kufijsh

admin

Thaçi planifikon t’i nisë konsultimet me partitë për formimin e Qeverisë së re

admin

Vjosa qëndroi e vetme, por nuk e tradhtoi votuesin e LDK-së

admin

Bekë Berisha: Glauk Konjufcën e kish çu ShIK në AAK, e tani shkoi në LVV

admin

Shqipëri, Kuvendi interpelancë me ministrin e Brendshëm

admin

‘100 zogjtë e pulave kundër 1 LUANI’ , futbollisti i njohur del hapur në përkrahje të Albin Kurtit

admin