Spasovski: Kush nuk respekton masat e vetëizolimit, do të dërgohet në karantinë

Kryeministri Oliver Spasovski, sonte në emisionin “Vin –Vin” në TV Telma, njoftoi se me siguri që do të merren masa për të transferuar automatikisht këdo që nuk respekton urdhrin në izolimin në shtëpi, në qendrat e karantinës dhe përsëri u bëri thirrje qytetarëve që të respektojnë masat e marra.
“Kemi dy lloje të vetëizolimit – me vendim për mbikëqyrje shëndetësore atyre personave që janë drejtpërdrejt në kontakt me një person me koronavirus, të cilët vizitohen nga shërbimet patrulluese. Ka disa raste kur vendimi për izolim nuk respektohet dhe ndaj tyre tashmë janë shqiptuar gjoba. Ende nuk ka burg. Dhe njerëzit që kthehen nga vendet e rrezikut të mesëm dhe të lartë janë duke nënshkruar një deklaratë se ata do t’i përmbahen vetëizolimit të tyre. Me siguri nesër do të vendosim që ata që nuk do të jenë në vetëizolim, por që duhet të jenë, gjatë verifikimit, do të dërgohen në qendrat e izolimit. Prandaj apeloj që ajo që duhet të respektohet, të respektohet “, tha Spasovski.
Ai konfirmoi gjithashtu se kapacitetet e policisë dhe të ushtrisë tani me gjendjen e jashtëzakonshme janë plotësisht në funskion dhe në bazë të kësaj po përgatitet një plan edhe për ushtrinë edhe për policinë.
Si pjesë e masave për të parandaluar përhapjen e virusit, Spasovski njoftoi gjithashtu se Vodno që nesër do të jetë e mbyllur për qytetarët nga ora 18 deri në orën pas 6 të mëngjesit për të parandaluar grumbullimin e qytetarëve dhe shtoi se do të hetohet informacioni për marrjen me qira të shtëpive në disa në disa lagje të qytetit si dhe kontratave për dhënien me qira.

Related posts

“Pashkët”, autoritetet edhe Kisha apelojnë të respektohen masat parandaluese

admin

Filipçe: Edhe 2 viktima nga koronavirusi në vend

admin

Shënohet viktima e parë nga koronavirusi në Maqedoni

admin

Apostolov: Të rinjtë që shëtisin nëpër kafene le ta dinë se në klinikën infektive nuk ka WIFI

admin

Gjoba prej 5 000 eurosh për të arrestuarit në Hasanbeg

admin

Nga e mërkura qytetarët e Kumanovës, Tetovës dhe Prilepit nuk guxojnë të lëvizin pa maska, në të kundërtën do të gjobiten

admin