LDK-ja siguron 40 nënshkrime për mocion, po e pret Kurtin edhe pak

LDK-ja siguron 40 nënshkrime për mocion, po e pret Kurtin edhe pak

Lidhja Demokratike e Kosovës ka mbledhur nënshkrimet për inicimin e mocionit të mosbesimit ndaj Qeverisë së drejtuar nga Albin Kurti. Partia e cila ende është pjesë e kësaj Qeverie, ka siguruar më shumë se 40 nënshkrime për të thirrur seancën e jashtëzakonshme në Kuvendin e Kosovës.

Shefi i Grupit Parlamentar të Lidhjes Demokratike të Kosovës, Arben Gashi, tha se këto nënshkrime do të dorëzohen sot në Kuvendin e Kosovës.

“Nënshkrimet janë të gatshme besoj që nëse nuk ka lëvizje nga kryeministri Kurti, në fund të orarit të punës do t’i dorëzojmë. Unë krejt çfarë mund të konfirmoj është se nënshkrimet janë mbledhur më shumë se sa që është e nevojshme”, deklaron Gashi për KP.

Ai nuk tregon se sa nënshkrime janë gjithsej, megjithatë thotë se një gjë e tillë do të bëhet e ditur pasdite.

“Ju e dini që z. Mustafa ia ka dhënë një mundësi z.Kurtit, dhe nuk varet prej neve”, shton ai për KosovaPress.

Partia e Isa Mustafës i ka 28 deputetë, por siç është raportuar janë katër deputetë të cilën kanë kundërshtuar rrëzimin e qeverisë Kurti. 13 nënshkrime janë nga AAK-ja dhe 6 nga Nisma dhe AKR. PDK-ja ende nuk është deklaruar zyrtarisht nëse do ta mbështesë ose jo mocionin e LDK-së. Kjo parti e udhëhequr nga Kadri Veseli i ka 24 deputetë.

Related posts

Haziri thumbon kryeministrin Kurti: Duhet ta lëmë ta festojë me familje ditëlindjen e tij

admin

Hoti: Jemi pajtuar për Qeverinë e re, votimi është çështje ditësh

admin

“Më qëlloi të jem në krye në këtë kohë të mallkuar”, Rama: Nuk dimë dot se në çfarë pike do të na bien të ardhurat

admin

MBËSHTETJA E MERKELIT PËR DIALOGUN KOSOVË-SERBI

admin

Osmani: Shpresoj që BE-ja ta dëgjojë thirrjen tonë të zëshme për vizat

admin

Hoti: Pres një datë të shpejtë për takimin Kosovë – Serbi në Shtëpinë e Bardhë

admin