KURTI E KA NË DORË MJETIN PËR TA MBAJTUR QEVERINË EDHE PAS MOCIONIT

Kryeministri Albin Kurti ka në dorë mjetin që ia mundëson ta mbajë në detyrë Qeverinë që e drejton, edhe në rast se Kuvendi voton pro mocionit të mosbesimit të iniciuar nga Lidhja Demokratike (LDK). Qeverisja do t’i garantohej së paku derisa Kosova ta kalojë betejën me virusin vrasës COVID-19.

Kjo për shkak se, pas mocionit, presidenti ka dy zgjidhje që ia ofron akti më i lartë juridik: t’i shpallë zgjedhjet e parakohshme, ose të kërkojë nga Lëvizja Vetëvendosje (LVV) e kryeministrit Kurti që ta japë emrin e kandidatit për kryeministër të ri, shkruan “Koha Ditore”.

Zgjedhjet e parakohshme në Podujevë janë anuluar shkaku i pandemisë që ka përfshirë edhe Kosovën, e pikërisht nën arsyen për ta menaxhuar sa më mirë situatën me COVID-19, presidenti ka nxjerrë dekret për shpallje të gjendjes së jashtëzakonshme, por i cili akoma nuk ka dalë në Kuvend për votim. Kushtetuta nuk lejon zgjedhje në gjendje të jashtëzakonshme. Kësisoj, presidentit i mbetet vetëm opsioni për të ndërmarrë veprime në funksion të formimit të Qeverisë së re.

Enver Hasani, ish-kryetar i Gjykatës Kushtetuese dhe profesor në Fakultetin Juridik të Universitetit të Prishtinës, ka treguar se cila është procedura në rast të krijimit të rrethanave nga neni 95.5 i Kushtetutës, kur ngelet vakant posti i shefit të ekzekutivit.

Related posts

Borell i kundërpërgjigjet Thaçit: Lajçak ka besimin e BE-së, do të bëjë punë të shkëlqyer për dialogun

admin

I shpallur në kërkim ndërkombëtar, arrestohet në Tiranë 40-vjeçari me katër emra

admin

Greqia rihap disa linja ajrore dhe detare

admin

Fehmi Lladrovci për BBC: Anjë civil s’është vrarë nga UÇK’ja, s’luftojmë kundër qytetarëve serbë

admin

Alban Skenderaj ka publikuar foto të vjetra pa lejen e Miriamit

admin

Glauk Konjufca LDK-së: Pse nuk e shkarkuat Hashim Thaçin kur ua shkarkoi ministren tuaj

admin