Mbi 84 mijë pacientë të shëruar nga koronavirusi në mbarë botën

Më shumë se 84 mijë persona janë rikuperuar nga koronavirus i ri globalisht, i njohur zyrtarisht si COVID-19, bëri të ditur Qendra Universitare Johns Hopkins për Shkencë dhe Inxhinieri të Sistemeve, transmeton Anadolu Agency (AA).

Numri i përgjithshëm i pacientëve të rikuperuar në territorin e Kinës është 70.425, ndërsa numri më i lartë i personave të rikuperuar është në provincën Hubei të Kinës me 57.678 persona, që është epiqendra e infeksionit që u shfaq dhjetorin e kaluar.

Jashtë Kinës, numri i përgjithshëm i personave të rikuperuar në Iran është 5.389, në Itali 4025, në Korenë e Jugut 1,504, në Spanjë 1.081, në Japoni 144, në Singapor 114, në SHBA 106, në Gjermani 105, në Hong Kong 95, në Britani 65, në Malajzi 60, në Francë 12, në Indonezi 11, në Indi 14, në Pakistan 13, në Zvicër 15, në Suedi 16, si dhe në Greqi 8.

Mbi 219 mijë njerëz janë infektuar, ndërsa numri i të vdekurve tejkalon shifrën 8.900 në të gjithë botën.

Sipas Organizatës Botërore të Shëndetësisë (OBSH), virusi u shfaq në Wuhan të Kinës dhjetorin e kaluar, ndërsa është përhapur në të paktën 166 vende dhe territore në mbarë globin.

Related posts

Izolimi në Evropë, fillon lehtësimi i masave

admin

Rrjedhja e gazit në një fabrikë në Indi shkakton vdekjen e së paku tetë personave

admin

Propaganda ruse kundër Evropës në kohën e virusit Corona

admin

Parlamenti britanik do të rihapë dyert në 21 prill pavarësisht koronavirusit

admin

Trump tërhiqet nga ideja për vendosjen e Nju Jorkut në karantinë

admin

Statuja e Krishtit vishet si “mjek” në nder të bluzave të bardha, mesazh edhe në shqip

admin