Bebe Rexha thotë se gjatë karantinës kreu shumë marrëdhënie: Uroj që vjehrra të mos më dëgjojë, sepse ajo e urren kur flas për gjëra të tilla

Këngëtarja e njohur botërore me prejardhje shqiptare, Bebe Rexha, ka dhënë së fundmi një intervistë për Revistën “People”.

Ajo ka folur gjerë e gjatë rreth lidhjes së saj të re me Keyan Safyari, e cila u zbulua pak muaj më parë.

E pyetur se si përshkruan të dashurin e saj, këngëtarja shqiptare thotë se ai “është i ëmbël” dhe “me fat që e ka atë”.

“Po, ai është me të vërtetë i ëmbël dhe kaq mbështetës; ai është thjesht me të vërtetë i mrekullueshëm. Ai është aty për mua. Nuk e kam problem që fansat e mi të dinë për këtë dhe njerëzit që dinë për të, por unë jam më shumë personi që – nuk dua të jem e njohur për marrëdhëniet e mia, unë dua të jem e njohur për artin. Por mendoj se kam gjetur dikë që është vërtet i veçantë dhe më bën vërtet të lumtur. Kështu që jam vërtet me fat tani. Dhe ai është me fat – ai është më me fat”, ka thënë Rexha për Revistën People.

E pyetur nëse është kjo lidhje që po e frymëzon atë për krijimin e këngëve të reja të albumit, Rexha tha se e ka të vështirë që të shkruajë këngë me tematikë dashurinë.

“E dini çfarë? E kam shumë të vështirë të shkruaj këngë për dashurinë dhe gjërat e tjera. Ndihem sikur gjithmonë më neveritet. Kështu që në të vërtetë kam pasur një kohë të vështirë për të shkruar në lidhje me këto gjëra. Është disi frymëzuese, po përpiqem të bëj më të mirën time, por është disi e vështirë, të them të drejtën”, thotë ajo.

31-vjeçarja nuk i shpëtoi pyetjes se çfarë e bën marrëdhënien e tyre të qëndrueshme, duke e cekur komunikimin si një “mjet të fortë”.

“Mirëkuptimi dhe komunikimi është super, shumë i rëndësishëm. Dhe unë jam vërtet transparente. Kështu që mendoj se ajo që është e rëndësishme për një marrëdhënie është transparenca dhe komunikimi. Kjo është diçka që është e rëndësishme për jetën dhe miqësitë”, thotë artistja me origjinë nga Dibra.

Periudhën e izolimit, Bebe Rexha, e kaloi larg familjes së saj në Los Angeles, teksa befasoi me përgjigjen gjatë intervistës, kur u pyet se çfarë ka bërë gjatë gjithë kësaj periudhe.

“Gatim, ushqim dhe shumë seks”, është përgjigjur krijuesja e hitit “I’m a mess”.

Related posts

Ju mjegullohen syzet për shkak të bartjes së maskës? Qe si ta pengoni?

admin

Vetë-izolimi dhe stresi: Si të mos e teproni me ushqimin

admin

David dhe Victoria Beckham në projektin luksoz të ‘Zaha Hadid’ në Miami prej 24 milionesh ( FOTO )

admin

Nuk e fshehin më lidhjen, Oriola dhe futbollisti kosovar së bashku në karantinë?

admin

Ka reaguar Fifi pas shkrimeve se është në një lidhje dashurie

admin

Emily Ratajkowski duket atraktive në pozat me të brendshme, teksa vë në pah linjat trupore

admin