Edhe një viktimë nga Covid-19 në Kosovë

Autoritetet lokale të komunës së Gjilanit kanë njoftuar se nga koronavirusi i ri ka vdekur edhe një banor i kësaj komune.

Përmes një postimi në rrjetin social Facebook, komuna e Gjilanit thotë se bëhet fjalë për pacientin I.M I lindur më 1957.

Sipas njoftimit, kryetari i Komunës së Gjilanit, Lutfi Haziri i ka shprehur ngushëllime familjes duke e garantuar se gjithmonë do të jenë pranë tyre.

Sipas të dhënave të fundit, 2,878 është numri i përgjithshëm i të infektuarve nga koronavirusi në Kosovë. Prej tyre, 52 kanë vdekur dhe 1,577 pacientë janë shëruar.

Pas rritjes së numrit të rasteve të reja me koronavirus, Qeveria e Kosovës në mbledhjen e mbajtur të mërkurën, ka miratuar disa masa shtesë për të frenuar përhapjen e sëmundjes Covid-19, që shkakton ky virus.

Ministri i Shëndetësisë, Armend Zemaj prezantoi disa nga masat e reja, duke paralajmëruar se nëse ato nuk zbatohen, Qeveria e Kosovës, do të rikthejë masat rigoroze që rekomandohen nga Organizata Botërore e Shëndetësisë. Megjithatë, ministri Zemaj, nuk elaboroi se për çfarë masash rigoroze bëhet fjalë.

Related posts

Covid-19 në Kosovë, Raka: Mbyllja e sërishme është opsion real

admin

Shqipëri, Kuvendi interpelancë me ministrin e Brendshëm

admin

A do shkarkohet Kurti ne ditelindjen e tij?

admin

Thaçi kërkon gatishmëri për shpalljen e gjendjes së jashtëzakonshme

admin

Policia ka dalë për të pritur Pacollin në Aeroport

admin

BE-ja pritet të vendos hapjen e negociatave me Republikën e Maqedonisë së Veriut dhe Shqipërinë

admin