Evropa rihap kufijtë pas tre muajve kufizim

Pas tre muajve izolim brenda kufijve kombëtarë, europianët do të kenë mundësi të hënën të udhëtojnë më lehtë nga një vend në tjetrin, për shkak të rënies së pandemisë së koronavirusit të ri.

Italia e dha sinjalin e saj më 3 qershor duke u rihapur për të gjithë udhëtarët… edhe pse shumica e shteteve vazhdojnë të mbajnë kufizimet me këtë vend që ka qenë një prej vatrave të pandemisë në Evropë.

Vend tjetër që po përpiqet të shpëtojë sezonin turistik, Kroacia rihapi kufijtë që prej të enjtes ashtu si Polonia, e aksesueshme për të gjithë qytetarët europianë duke nisur nga sot.

Shumë vende kanë zgjedhur këto javët e fundit të hapen me fqinjët e tyre para se të zgjerojnë perimetrin e qarkullimit. Gjithashtu, tashmë është i mundur qarkullimi pa kontroll në Evropën Qendrore apo nga një vend balltik në një tjetër.

Belgjika, Franca, Greqia rivendosin të hënën qarkullimin e lirë me të gjitha vendet e kontinentit. Athina, ekonomia e të cilës varet në pjesën më të madhe nga turizmi, shkon edhe më tej duke ftuar udhëtarët nga disa rajone jashtë BE-së si Australia, Zelanda e Re, Japonia, Koreja e Jugut, KIna.

Gjermanët dhe austriakët do të presin deri në mesnatën e së hënës para se të jenë në gjendje të marrin rrugën, hekurudhat ose ajrin drejt pjesës tjetër të Europës.

Ndër vendet që do të heqin kontrollet e tyre, ose e kanë bërë tashmë, shumë prej tyre si Hungaria, Bullgaria, Austria, Republika Çeke, Sllovakia, Letonia … vazhdojnë të ruajnë kufizimet për udhëtarët nga destinacionet europiane ku shkalla e infeksionit konsiderohet ende shumë e lartë.

Çdo vend ka përpiluar listën e tij të zonave të rrezikut. Suedia dhe Britania e Madhe përfshihen gjithashtu. Kësaj liste i shtohen shpesh edhe Spanja dhe Portugalia. Ndonjëherë Holanda, Belgjika, Franca. Ose udhëtimi drejt ose nga këto destinacione do të jetë i ndaluar, ose do të kërkohet një test i depistimit negativ me COVID-19 ose izolim 14-ditor.

Franca parashikon të aplikojë “reciprocitet” me vendet që kanë vendosur masa kufizuese për shtetasit e saj.

Rumania nuk do të hapë kufijtë për shtetasit jo kombëtarë dhe nuk ka dhënë asnjë datë të saktë.

Portugalia dhe Spanja do të presin datën 1 korrik për të pritur turistët, duke çuar në reciprocitet disa vende, siç është Franca, e cila do të zgjasë kontrollet e saj me këtë fqinj për momentin.

Norvegjia do të rihapë të hënën kufijtë e saj vetëm me vendet e tjera nordike, me përjashtim të Suedisë. Danimarka është po aq selektive, duke kufizuar në këtë fazë pritjen e saj për personat që vijnë nga Gjermania, Norvegjia ose Islanda.

Related posts

2 muaj pas ndarjes nga jeta, del në dritë surpriza e Kobe Bryant për të gjithë fansat

admin

Spanjë, 288 të vdekur nga COVID-19, bilanci më i ulët që prej 20 marsit

admin

“Çfarë bëri Kina për koronavirusin”, flet ambasadori kinez

admin

Izolimi i botës bëri që pandat të çiftoheshin pas 10 vitesh përpjekje

admin

SHBA, mbi gjysmë milionë raste me COVID-19

admin

Mbi 2 milion të prekur nga Covid-19 në botë

admin