Prej 16 qershorit, qytetarët italianë do të mund të udhëtojnë edhe drejt Maqedonisë

Duke filluar nga 16 qershori qytetarët italianë do të mund të udhëtojnë drejt Maqedonisë së Veriut, njoftoi sot gazeta italiane ”La Repubblica”, që shton se në këtë listë janë edhe Kosova, Bosnje-Hercegovina, Mali i Zi, Shqipëria dhe Serbia, përcjell ATSH.

”Udhëtimet jashtë zonës Schengen janë ndaluar deri më 30 qershor, përveç atyre për arsye pune, shëndetësore ose domosdoshmërie. Italianët do të jenë në gjendje të udhëtojnë vetëm në vendet e BE-së, në Britaninë e Madhe dhe Irlandën e Veriut, Andorra, Monako, Republika e San Marinos, Vatikan dhe, duke filluar nga e marta 16 qershor, edhe për në Shqipëri, Kosovë, Bosnje-Hercegovinë, Mali i Zi, Maqedoninë e Veriut dhe Serbia”, shkruan ”La Repubblica”.

Italia do të fillojë të hënën e ardhshme një fazë tjetër të lehtësimit të masave kufizuese, pas nënshkrimit nga ana e kryeministri Giuseppe Conte të dekretit përkatës.

Sipas këtij dekreti, sportet e kontakteve mes amatorëve, do të lejohen duke filluar nga 25 qershori. Kjo përfshin sportet në ekipe dhe pjesë të futbollit apo basketbollit mes miqsh.

Kinematë do të rihapen më 15 qershor. Diskotekat në mjedise të hapura apo në vende të mbyllura do të mund të hapen duke nisur nga 14 korriku.

Dekreti konfirmon, përveç të tjerave, karantinën e detyrueshme për të gjithë vizitorët që hyjnë në Itali dhe që vijnë nga një vend tjetër, përveç hapësirës Schengen.

Related posts

Ngjarjet në Strugë, Filipçe: Ngjarjet nuk do të ndikojnë në zbutjen e masave

admin

Koronavirusi, 53 të infektuar dhe asnjë i vdekur

admin

Arrestohet një tjetër person nga Gostivari, hapi lokalin dhe u shërbeu klientëve

admin

Maqedonia sot ka më shume të infektuar se disa vendet me mbi 6 milion banorë

admin

​Lajçak diskuton me Vuçiqin për dialogun Kosovë-Serbi

admin

Arcuri: Fundi i pandemisë ende larg, mos bëni shaka

admin