Pasagjerëve të linjave ajrore do t’iu kërkohet të vendosin maska

Disa kompani të mëdha ajrore do t’iu kërkojnë pasagjerëve të vendosin maska në fytyrë gjatë fluturimeve, për të frenuar përhapjen e koronavirusit.

Rreth 90% e fluturimeve ndërkombëtare janë anuluar, por linjat ajrore shpresojnë t’i rifillojnë gradualisht udhëtimet nga ky muaj.

Nga e hëna, kompania amerikane Delta tha se u kërkon pasagjerëve të vendosin maska ose mbulesa të tjera të fytyrës në zonën e kontrollit (check-in), të pritjes dhe gjatë gjithë fluturimit.

Ngjashëm, edhe kompanitë American Airlines dhe United thanë se do të fillojnë të kërkojnë maska për pasagjerët dhe për ekuipazhin e kabinës.

“Po bëjmë përpjekje për t’iu siguruar mirëqenie klientëve, në mënyrë që ata të udhëtojnë të qetë”, tha Kurt Stache, zëdhënës i kompanisë American Airlines.

“Mbulimi i fytyrës do të jetë i detyrueshëm për të gjithë pasagjerët dhe ne do të ofrojmë maska falas për udhëtarët”, tha Maddie King, zëdhënëse e United.

Si masë tjetër kundër koronavirusit, pasagjerët po ashtu do të inkurajohen të paketojnë vetë ushqimet dhe pijet e tyre gjatë udhëtimit.

Nuk është ende e qartë nëse këto do të jenë masa të përkohshme ose më afatgjata.

Koronavirusi ka prekur mbi 3.5 milionë njerëz në gjithë botën dhe ka lënë të vrarë mbi 248,000.

Related posts

Turqia kapërcen pragun e 100 viktimave në 24-orëshin e fundit nga Kovid-19

admin1

Një person vdes nga “hantavirusi” në Kinë

admin1

Universiteti i Oksfordit ndalon testimin e hidroksiklorinës

admin1

Britania, formohet task-forcë për krijim të vaksinës kundër koronavirusit

admin1

Angela Merkel shihet duke blerë vetë në një dyqan

admin1

Bie ndjeshëm numri i viktimave në Itali, gjithashtu edhe i atyre në terapi intensive

admin1