Merkel: Koronavirusi, sfida më e madhe pas Luftës së Dytë Botërore

Kancalarja gjermane, Angela Merkel ka thënë se kontrollimi i koronavirusit të ri, përbën sfidë të madhe për kohezionin e Evropës.

“Kjo është sfida më e madhe prej Luftës së Dytë Botërore, për jetën dhe shëndetin e njerëzve tanë”, ka thënë ajo para Parlamentit gjerman.

Më vonë gjatë ditës së enjte, ajo do t’iu bashkohet liderëve evropianë, përmes një video-konference, për të diskutuar krizën.

Ajo ka thënë se duke vazhduar mbajtjen e “disiplinës maksimale, ne mund të kthehemi më shpejt në një jetesë të sigurt”.

Merkel ka paralajmëruar se një disiplinë e tillë është e nevojshme për të ndalur rinisjen e izolimit.

“Ne nuk mund të humbim atë që e kemi arritur tashmë”, ka thënë ajo, teksa ka përgëzuar efikasitetin e sistemit shëndetësor të Gjermanisë dhe asistencën e forcave të armatosura në luftimin e sëmundjes, Covid-19, që shkakton koronavirusi.

Ajo ka thënë se vendimet e qeverisë së saj ndaj krizës “nuk kanë model historik”.

Kancelarja gjermane ka thënë mes tjerash se Evropa duhet të rrisë kapacitetin për të prodhuar pajisje speciale mjekësore, në vend që të varet nga furnizimet globale.

Instiuti gjerman, Robert Koch ka konfirmuar për 145,694 persona të prekur dhe 4,879 të infektuar si pasojë e koronavirusit të ri në Gjermani.

Related posts

Francë, 218 viktima në 24 orët e fundit nga COVID-19

admin

Pandemia mund të krijojë ‘fatkeqësi të të drejtave të njeriut’

admin

Danimarkë, jo tubime me më shumë se 500 persona deri në fund të verës

admin

Suedia thotë se qasja kontroverse ndaj pandemisë po rezulton të jetë efektive

admin

Lindi në kohë koronavirusi, prindërit i vendosin emrin Dezinfektues

admin

Foto spektakolare tregon satelitin ISS para diellit

admin