Pesë anëtarë të Kongresit amerikan të infektuar me koronavirus

esë anëtarë të Kongresit amerikan kanë dalë pozitiv me koronavirusin e ri.

Kongresisti amerikan, Mike Kelly 71 vjeç (republikan nga Pensilvania) konfirmoi se ka dalë pozitiv me koronavirus, pasi gjatë javës kishte pasur simptomat e parë të sëmundjes COVID-19.

Njoftimi i kongresistit Kelly vjen një ditë pasi përfaqësuesi demokrat nga Karolina e Jugut, Joe Cunningham tha se është infektuar me koronavirusin e ri.

Cunningham tha se është në vetizolim prej 19 marsit, kur kishte kuptuar se ka qenë në kontakt me një ligjvënës që ka rezultuar pozitiv.

Senatori republikan, Rand Paul, përfaqësuesi demokrat Ben Mcadams dhe republikani Mario Diaz-Balart, po ashtu kanë rezultuar pozitiv me koronavirus.

Të paktën 26 anëtarë të Dhomës së Përfaqësuesve dhe Senatit amerikan janë në vetizolim, pasi kanë pasur kontakte me njerëz që janë infektuar.

Në Shtetet e Bashkuara janë 104,82 raste me koronavirus. Sipas të dhënave të Universitetit Johns Hopkins, 1,711 persona kanë vdekur nga virusi.

Kongresi amerikan ka ndarë 2,2 trilionë dollarë për një ligj të ndihmës për të ndihmuar në luftën kundër koronavirusit. Ky ligj u nënshkrua më pas nga presidenti, Donald Trump.

Related posts

Brenda gjysmë ore, merr kredi pa interes deri në 500 mijë euro, kjo është Zvicra

admin

Koronavirusi, 969 viktima sot në Itali, më i larti nga fillimi i emergjencës

admin

Hotelet fillojnë punën, duhet të respektojnë protokollet anti-Covid-19

admin

Nisin testimet e vaksinës për Covid-19 në bazën sekrete të qeverisë britanike

admin

Putin në nivelin më të ulët historik të mbështetjes publike

admin

Legjislativa kineze rinis punën

admin