Erdogan: Turqia u dërgoi ndihmë 17 vendeve në luftën kundër koronavirusit

Presidenti i Turqisë, Recep Tayyip Erdogan, tha se 69 vende deri më tani kanë kërkuar ndihmë nga Turqia për të luftuar koronavirusin e ri (COVID-19) dhe se vendi ka ndihmuar me pajisje të nevojshme 17 prej tyre, raporton Anadolu.

“Në të kaluarën ishim vend që kërkonte ndihmë nga bota në kohë krizash, kurse sot, 69 vende kanë kërkuar ndihmë nga Turqia. Prej tyre, 17 vendeve, në kuadër të mundësive, ua kemi dërguar materialet e nevojshme”, tha Erdoğan në një fjalim drejtuar kombit në lidhje me masat kundër pandemisë e cila ka përfshirë gjithë globin.

“Ne po bëjmë çdo përpjekje që të mos i lëmë vetëm miqtë tanë në këto ditë të vështira”, shtoi presidenti turk.

Më tej në fjalën e tij, ai tha se Turqia është vendi që më herët mori masa të gjera për ta luftuar virusin.

Ai theksoi se pas pandemisë globale, bota më nuk do të jetë si më parë.

“Bota po shkon drejt një periudhe në të cilën asgjë nuk do të jetë e njëjtë pas kësaj epidemie dhe në të cilën do të ndërtohet një sistem i ri global, politik, ekonomik dhe shoqëror”, tha presidenti i Turqisë.

Related posts

SHBA regjistron numrin më të madh të vdekjeve në një ditë

admin

Shkollat në Turqi mbeten të mbyllura deri në fund të majit

admin

Frontex: Po shtohet numri i refugjatëve drejt Evropës

admin

Komiteti i Helsinkit, padi për Qullavkovën

admin

12,000 punonjës shëndetësie në pension i përgjigjen thirrjes për luftë ndaj koronavirusit në Britani

admin

Turqi: Shkon në 131 numri i viktimave nga COVID-19

admin