Wuhani, qyteti kinez ku u shfaq coronavirusi do të dalë nga bllokimi më 8 prill

Autoritetet kineze do të heqin mbylljen në qytetin Wuhan, ku e ka origjinën coronavirusi, më 8 prill, njoftuan media të martën.

Sipas agjencisë së lajmeve Xinhua, autoritetet lokale të shëndetit në Provincën Hubei, që përfshin qytetin Wuhan, kanë deklaruar një seri rregullash të reja në lidhje me lehtësimin e kufizimeve të lëvizjes në zonë, përcjell Telegrafi.

Autoritetet kishin vënë “nën kontroll” qytetin prej 11 milionë banorësh më 23 janar në mënyrë që të frenojnë përhapjen e COVID-19, që vrau gati 3.300 njerëz dhe infektoi mbi 81,000 të tjerë në Kinë.

Një vendim i tillë vjen pasi qyteti nuk raportoi infeksione të reja vendase në pesë ditët e fundit. Sidoqoftë, një rast i ri pozitiv u raportua në qytet të martën.

Pas shfaqjes në Wuhan, Kinë dhjetorin e kaluar, coronavirusi, i njohur zyrtarisht si COVID-19, është përhapur në të paktën 168 vende dhe rajone, sipas të dhënave të përpiluara nga Universiteti Johns Hopkins me qendër në SHBA.

Ekzistojnë 381.499 raste të konfirmuara në të gjithë botën dhe numri i të vdekurve arrin 16.500, ndërsa mbi 101,000 njerëz janë shëruar. /Telegrafi/

Related posts

Coronavirusi: A duhet ta pastrojmë telefonin shpesh?

admin

Bill Gates: Mbyllni gjithçka për 10 javë, nëse duam ta mundim coronavirusin – ajo që po bëhet tani është katastrofë

admin

Të dhënat nga Kina, shumica e njerëzve me koronavirus kanë vetëm simptoma të buta, pastaj shërohen

admin

Brazili kalon Italinë dhe Spanjën me numër të të infektuarve me COVID-19

admin

Covid-19, rritet numri i viktimave në Itali

admin

Koreja e Veriut kryen teste të reja raketore

admin