Anita Haradinaj u bën thirrje të qëndroni në shtëpi: Ta injorojmë politikën, vetëm njëherë në jetë të merremi me shëndetin tonë

Mbrëmë në Kosovë janë shënuar 26 raste të reja të personave të infektuar me coronavirus, duke çuar kështu në 61 numrin e tyre.

Për shkak të gjendjes së tillë në vend, Qeveria e Kosovës ka ndërmarrë masa preventive ndaj përhapjes së pandemisë COVID-19, duke kufizuar lëvizjen e qytetarëve dhe qarkullimin e automjeteve, në intervalin prej orës 10:00 deri në 16:00 dhe prej orës 20:00 deri në 06:00.

Marrë parasysh situatën, një mesazh inkurajues së fundmi për ndjekësit e saj e ka dërguar edhe prezantuesja e njohur Anita Muçaj- Haradinaj.

Ajo u bën thirrje të gjithëve të qëndrojnë në shtëpi, në mënyrë të evitimit të këtij virusi vdekjeprurës dhe thotë se këtë kohë është mirë ta injorojmë politikën. “Si qytetarë të përgjegjshëm që jemi dhe që saktë jemi në dijeni se cilat janë masat mbrojtëse dhe parandaluese të virusit COVID 19 duhet që pa e dëgjuar askënd, të vet izolohemi, të vet mbrohemi dhe vet ndërgjegjësohemi meqë kemi mbetur kështu si jetima! Kjo krizë, luftë, pandemi, çkado qoftë, vetëm kështu tejkalohet, kur secili mbron veten dhe secilin afër nesh. A mundemi ne si qytetarë vetëm kaq të bëjmë e politika le t’i bon lojërat ose punët e veta e ne si qytetarë meqë e kemi një problem më të madh se politika a bën ta injorojmë politikën vetëm njëherë në jetë e të merremi me shëndetin tonë, të fëmijëve e familjeve tona. Këto ditë boll kemi lexuar e dëgjuar si të parandalojmë virusin prandaj rri në shtëpi, qëndro në shtëpi bën çfarë të duash ama mos dil prej shtëpisë pa arsye të madhe. Secili ka përgjegjësi për vete dhe për familjen e vet. Nëse sëmuresh askush nga politika nuk vjen me vujt për ty. Prandaj vetëdijësohu e mbroje veten. Virusi nuk ka orar prandaj rri në shtëpi,orari bëhet vetëm për nevoja emergjente ose ata që patjeter kanë orar pune”, ka shkruar ndër të tjerash Muçaj. Anita shpesh reagon me postime në rrjete sociale varësisht prej situatës dhe vetëm në Instagram numëron mbi 43 mijë njerëz. /Telegrafi/

Related posts

Materialet mbrojtëse nga Turqia, Rama: Erdogani na bëri nder të madh!

admin

Serbia regjistron 131 raste të reja me koronavirus

admin

Pas propozimit për aktakuzë nga Specialja, reagon Thaçi

admin

Mallrat nga Kosova e Shqipëria nuk lejohen të hynë në Serbi

admin

Hajnat i vjedhin veturen zv.ministres se Kosoves

admin

Kurti telefonon Lajçakun, i kërkon ta bindë Serbinë që ta braktis idenë e shkëmbimit të territoreve

admin