Përse është kaq e lartë vdekshmëria në Lombardi

“Deri më tani janë 25.515 pacientë me koronavirus në Lombardi, me një rritje prej 3251. Ka 3095 vdekje, me një rritje prej 546. Sigurisht që kjo shifër të lëndon shumë”.
Këto janë numrat që jep këshilltari për mirëqenien në Lombardi, Giulio Gallera, në komunikimin e tij të përditshëm për koronavirusin.
Një rritje e vazhdueshme e të dhënave. Por përse Lombardia është goditur kaq rëndë nga virusi kinez?

Në Veneto, ku virusi mbërriti në të njëjtën periudhë, aktualisht 4617 njerëz janë pozitivë, 146 kanë vdekur. Gjithashtu duhet thënë se Lombardia ka 10 milionë banorë, në Veneto janë saktësisht gjysma.
Siç shpjegon Corriere, ndërsa në rajonin e Venetos, përhapja e Covid-19 duket e stabilizuar, me një normë prej 36.2 për 100 mijë banorë dhe një indeks të shtruarish në spital prej 9.9, në Lombardi kurba e infeksionit rritet në 90 për 100 mijë banorë, me 56 të shtruar. Sa i përket shkallës së vdekshmërisë, gjithmonë për 100 mijë banorë: 9.6 në Lombardi, 1.1 në Veneto.

Sipas Maria Rita Gismondo, drejtoreshë e Laboratorit të Mikrobiologjisë, Virologjisë dhe Diagnostikimit në spitalin ‘Saço’ të Milanos, Covid-19 mund të ketë pësuar mutacion. “Diçka e çuditshme po ndodh. Në Lombardi ka një agresion që nuk mund të shpjegohet. Hipotezat janë të hapura, një prej tyre është që virusi ka pësuar mutacion”.

“Kjo e mutacionit është një hipotezë që duhet të verifikohet,” komentoi menjëherë Fabrizio Pregliasco, virolog i Universitetit të Milanos dhe drejtor mjekësor i Institutit Ortopedik Galeazzi. Nëse ka prova në këtë aspekt, një gjë duket e sigurt: “Ne e dimë se infeksionet në Lombardi janë nënvlerësuar gjerësisht- vazhdon Pregliasco- Sipas parashikimeve, numri të konstatuarve pozitivë duhet të shumëzohet me dhjetë. Kjo do të shpjegonte vdekshmërinë shumë të lartë: nëse personat e infektuar janë 150 mijë, përqindja e të vdekurve do të ishte në përputhje me Veneton”.

“Problemi është se në Lombardi- shpjegon virologu- veçanërisht në Milano, testimet bëhen vetëm për ata që janë të sëmurë dhe kanë simptoma të dukshme. Padyshim që ka njerëz asimptomatikë ose njerëz të sëmurë butë, që janë pozitivë, por nuk llogariten nga lista zyrtare”.

Dhe pikërisht te tamponët e testimit ndahen ekspertët. Disa besojnë se numri i testimeve të kryera duhet të rritet, ndërsa të tjerë janë kundër. “OBSH ka nënvlerësuar peshën e bartësve asimptomatikë në përhapjen e epidemisë. Atje ku ka një përhapje të epidemisë, është thelbësore që tamponët të kryhen te të gjithë subjektet me simptoma të buta dhe kjo nuk ka ndodhur në vendin tonë,” thotë Susanna Esposito, presidente e WAidid.

Por ekziston gjithashtu besimi se tamponët nuk janë një garanci. “Bërja e një tamponi dhe dalja negative është më kundërproduktive se gjithçka tjetër. Personi negativ mund të ndjehet i sigurt dhe mbase pas 12 orësh bëhet pozitiv. Dhe për më tepër, nuk mund të përsëritet gjithmonë,” shpjegon Pierluigi Lopalco, përgjegjës i epidemiologjisë në task-forcën për koronavirusin në rajonin e Pulias.

Related posts

Fauci: Rihapja e hershme e ekonomisë mund të çojë në “vuajtje dhe vdekje të panevojshme”

admin

Në Poloni votohet nëpërmjet postës

admin

Gjermania, e shqetësuar pas raportimeve për largimin e trupave amerikane

admin

Në Zvicër, në mesin e 16 mijë të infektuarve nga koronavirusi, 12 raste janë nga radhët e shqiptarëve

admin

Gjermani, piku i infektimit me koronavirus pritet në muajin qershor

admin

Sllovenia vendos karantinë të detyrueshme për Maqedoninë e Veriut

admin