Kush e përhapi COVID-19? Përplasje mediatike mes Italisë dhe Spanjës

Italianët kanë dalë në përfundime për mënyrën se si u shpërnda koronavirusi në vendin e tyre. Mediat e sportit në shtetin fqinj, ditën e sotme kanë publikuar një artikull ku shkruajnë se katastrofa për krahinën e Lombardisë nisi natën e 19 shkurtit në Milano.

Italianët pretendojnë se virusi që aktualisht shënon pothujse 5 mijë të vdekur në Itali, është shpërndarë falë ndeshjes së Ligës së Kampioneve mes Atalantës dhe Valencias që u luajt në “San Siro”, ku të pranishëm ishin 43 mijë tifozë italianë.

“Atalanta-Valencia mund të themi se ishte ndeshja zero,”– u shpreh në një intervistë për Corriere dello Sport, specialisti i sëmundjes infektive Francesco Le Foche teksa tregoi edhe konsideratën e tij në lidhje me koronavirusin dhe gjendjen dramatike me të cilën përballet Bergamo.

Mediat shtojnë më tej se rreth 1/3 e popullsisë së Bergamos kishte udhëtuar drejt Milanos, për të parë atë ndeshje, por që sipas tyre, më mirë të mos kishte ndodhur diçka e tillë. Sipas mediave italiane që citojnë burime të Mbrojtjes Civile, virusi ka ardhur pikërisht nga spanjollët, që janë bashkuar me itaianë nëpër metro, pasi Covid-19 ishte shfaqur në jugun e Spanjës disa ditë më parë dhe tifozët e Valencias kanë shfaqur simptoma të nesërmen.

Por pas ndeshjes, erdhi festa, ajo që e shpërndau akoma më masivisht virusin, duke e kthyer atë natë në një makth. Numri i personave që kanë humbur jetën në Itali në 24 orët e fundit është 793. 4825 është numri total i viktimave, ndërkohë që janë infektuar 53578 persina të tjerë. Një ditë më parë, numri i viktimave në Itali shkoi në 4032 nga COVID-19.

Ndërkohë ekspertët kanë paralajmëruar se nëse deri të dielën nuk ulen shifrat e të infektuarve nga Covid-19, qeveria duhet të marrë masat më të ashpra sigurie për të bllokuar përhapjen e këtij virusi vdekjeprurës.

Related posts

Njoftim i rëndësishëm për kosovarët e mbetur në Turqi

admin

Lufthansa nga qershori do të rinis fluturimet në 130 destinacione

admin

Ekonomia botërore, në krizë më të thellë se në vitin 2008

admin

Senatori amerikan që dinte për pandeminë shiti aksionet personale

admin

Sasoli: BE kërkon mënyra se si t’i përfshijë vendet e Ballkanit Perëndimor në mekanizmat e veta në luftën kundër COVID-19

admin

Rusi, dy të vdekur nga rrëzimi i një avioni trajnues

admin