Kushdo që hyn në Kosovë, dërgohet për 14 ditë në karantinë

Thirrje për të gjithë qytetarët e Republikës së Kosovës jashtë vendit

Për shkak të situatës së krijuar nga COVID-19 dhe masave të cilat Qeveria e Kosovës i ka ndërmarrë për ta luftuar atë, Ministria e Punëve të Jashtme dhe Diasporës dhe Ministria e Shëndetësisë bëjnë të ditur që secili nga qytetarët tanë që futet në Republikën e Kosovës, nëpërmjet Aeroportit Ndërkombëtar të Prishtinës apo kufijve tokësor, do të dërgohet në karantinë për 14 ditë, në një vend të caktuar nga Ministria e Shëndetësisë.

Për shkak të kapaciteteve të kufizuara të karantinimit dhe në mënyrë që mos ta rrezikoni shëndetin tuaj, të familjes suaj dhe qytetarëve të tjerë, ju bëjmë thirrje që vetëm rastet, të cilat kanë urgjenca, të paraqiten në Ambasadat dhe Konsullatat e Republikës së Kosovës, për t’u përfshirë në listën e kthimit.

Gjithashtu, thirrjen e njëjtë ua bëjmë të gjithë qytetarëve, të cilët synojnë të hyjnë në Republikën e Kosovës nëpërmjet rrugëve tokësore.

Pandeminë COVID-19 nuk do të mund ta luftojmë nëse nuk kemi bashkëpunimin e gjithsecilit. Prandaj, kërkojmë mirëkuptimin dhe bashkëpunimin tuaj.

Me kujdes, por pa panik. /Kosova.info/

Related posts

Prishtina dy minuta në errësirë në kujtim për të pagjeturit

admin

Mustafa: Duhet të marrë fund që dikush i LDK’së të jetë kundër veprimeve të LDK’së

admin

Në këtë orë kryeparlamentarja Osmani njofton se çfarë është bërë në kryesi për mocionin

admin

Të shtunën votohet Qeveria Hoti

admin

A do shkarkohet Kurti ne ditelindjen e tij?

admin

Shqipëria në izolim, Rama: Nga nesër në orën 13:00 deri të hënën në 05:00

admin