Shkon ne nente numri i te infektuarve ne Kosove

Edhe katër pacientë në Kosovë kanë dalë se janë të prekur me koronavirus. Kjo është vërtetuar nga analiza që u janë bërë sot edhe 70 personave të tjerë që kanë pasur kontakte me 5 të infektuarit e tjerë. 

Burime të Express kanë thënë se gjendja e të gjithë të prekurve me COVID-19 është stabile.

Të premten u raportuan rastet e para në Klinë dhe Viti. Pastaj të shtunën në mbrëmje dolën edhe rastet e reja në Komunën e Malishevës. Të tri këto qytete janë në karantininë. 

Qeveria e Kosovës ka ndarë 10 milionë euro për t’i bërë ballë virusit që është përhapur në shumicën e vendeve të botës. 

Sot është njoftuar se Qeveria ka vendosur të shtyjë pagesat e kësteve të kredisë dhe ka marrë edhe masa tjera për t’u përballur me këtë situatë. 

Koronavirusi ka prekur shumicën e vendeve të Europës përfshirë edhe vendet e rajonit, si Shqipëria, Maqedonia e Serbia. 

Koronavirusi nisi në Wuhan të Kinës ku fillimisht virusi ishte përcjell nga shtazës e më vonë kaloi edhe te njeriu. Ende s’është gjetur vaksina me të cilën do të parandalohej shpërndarja e virusit.  Për t’u mbrojtur nga ky virus kërkohet të mos kini kontakte me njerëz, të mos qëndroni në ambiente të mbyllura dhe t’i kushtoni kujdes higjienës, duke përfshirë larjen e shpeshtë të duarve.

Related posts

Të burgosurat në Lipjan fillojnë prodhimin e maskave kirurgjikale

admin

PDK akuzon Kurtin se po bën presion ndaj Gjykatës Kushtetuese: Të ndalen këto sulme të ulëta

admin

Qeveria KURTI me autoritarja qe ka pasur Kosova, vetem per nje fjal shkarkoj ministrin!

admin

​Kuvendi ende nuk i ka dërguar njoftim zyrtar presidentit për mocionin

admin

UNMIK-u ua rikujton Thaçit e Kurtit që ende ka autoritet në Kosovë

admin

Varhelyi: Kosova dhe Serbia të arrijnë një marrëveshje që nuk rrezikon vendet e rajonit

admin